Google ADS

Australia pritet të rihapë ambasadën në Ukrainë

08:37 | 29 Qershor 2022
Fjolla Bajraktari

Përpara samitit të NATO-s në Madrid, kryeministri Anthony Albanese tha se “do të donte të kishte një prani në terren atje për të ndihmuar dhe Australia po e konsideron diçka të tillë”. Disa anëtarë të NATO-s, duke përfshirë Shtetet e Bashkuara, kanë rihapur ambasadat e tyre në kryeqytetin ukrainas, sipas skynews.

Albanese dënoi gjithashtu një sulm me raketa ruse në një qendër tregtare të Ukrainës në qytetin qendror të Kremenchuk.

“Ky është një objektiv civil. Kjo përforcon mizoritë që po kryhen në këtë luftë të paligjshme agresioni nga Rusia,” tha ai.

Australia është një nga kontribuesit më të mëdhenj jashtë NATO-s në mbështetjen e Perëndimit për Ukrainën dhe ka dërguar pajisje mbrojtëse, si dhe ka ndaluar eksportet e aluminit, duke përfshirë boksitin, në Rusi.

Australia gjithashtu ka vendosur sanksione ndaj qindra individëve dhe subjekteve ruse./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm